Enosencio Anthony, konosí komo Chenchen, a fayesé djadumingu. Ta un piskadó konosí ántes na e kosta di Playa Pabou. E tabatin sigur alrededor di seis pa shete aña sin bai laman mas, pero su foto i pinturanan ta keda pa semper. Pasobra el a inspirá hopi fotógrafo i pintor, ku a pinta òf saka portrèt di Chenchen den vários posishon kantu di laman. E foto aki ta saká pa Han de Bruin pa a ilustrá kaft di e buki ‘De Tragiek van Bonaire’.
